Өмнөд Солонгосын ерөнхийлөгч ардчиллыг төлөвшүүлэхэд технологи чухал үүрэгтэй. Хиймэл оюун ухаанаар үүсгэгдсэн хуурамч мэдээлэл ардчилалд аюул учруулж байна. Иймээс ардчиллыг хөгжүүлэхэд хиймэл оюун ухаан, технологийг ашиглахын тулд улс орнууд туршлага, мэргэн ухаанаа хуваалцах үүрэгтэй гэж үзэж байна. Мөн Сөүлд айлчилж байгаа АНУ-ын ТНБД Энтони Блинкен “авторитар дэглэмүүд ардчилал, хүний эрхийг доройтуулахын тулд технологийг ашиглаж байна, технологи ардчиллын үнэт зүйл, хэм хэмжээг баримтлах ёстой, үүнд улс орнууд анхаарах шаардлагатай гэсэн байр суурь илэрхийллээ.

Гуравдугаар сарын 18-нд Сөүл хотноо дэлхийн 30 гаруй улсын оролцоотойгоор эхэлсэн Ардчиллын төлөөх 3-р дээд хэмжээний уулзалтын нээлтийн үеэр Өмнөд Солонгосын Ерөнхийлөгч Юн Сук Ёл, АНУ-ын Төрийн нарийн бичгийн дарга Энтони Блинкен нар хиймэл оюун ухаан, дижитал технологиор дамжуулан хувь хүний эрх чөлөө, хүний эрх, ардчилсан тогтолцоонд дарамт учруулж байгаа хуурамч мэдээ, худал мэдээллийн аюул, хор хөнөөлийг илүү онцоллоо. Өмнөд Солонгос улсын хувьд “улс орнуудын хооронд технологийн ялгаа ихсэх тусам эдийн засаг, ардчиллын ялгааг улам тэлж болзошгүй байна. Ер нь зарим улс эдийн засгийн хөгжлөөр хоцорч, ардчилалд ахиц дэвшил гаргаж чадахгүй байгаагийн суурь шалтгаан нь технологийн ялгаа. Иймээс технологийн ялгааг бууруулахын тулд туршлага мэдлэгтэй нь бусадтайгаа хуваалцах шаардлага тулгарч байна гэдгийг олон улсад хандаж илэрхийлж байна. АНУ-ын ТНБД ч мөн авторитар дэглэмүүд ардчилал, хүний эрхийг доройтуулахын тулд технологийг ашиглаж байгааг анхааруулж, технологи ардчиллын үнэт зүйл, хэм хэмжээг баримтлах ёстой гэдгийг онцолжээ. Хиймэл оюун ухааныг ашиглахдаа улс орнууд хариуцлагатай хандах, үүнийг нь олон улсын эрх зүйгээр зохицуулах шаардлагатай гэсэн ерөнхий хандлага өнөөгийн олон улсын харилцаанд давамгай байна.