Европын жуулчлалын төвүүд хэт их жуулчдын хөлд дарагдаж, нутгийн иргэдийн дургүйцлийг төрүүлэх болсон. Испани зэрэг зарим улсад хэт их жуулчлалыг эсэргүүцэж иргэд жагсах болжээ. Тэгвэл Швейцар улс мөн хэт их жуулчлалыг бууруулахын тулд автомашинтай жуулчдаас нэвтрэх төлбөр авах журам батлах болжээ. Швейцарын Лаутербруннен гэх уулын тосгон нь Альпийн нурууны үзэсгэлэнт байгальтай суурин юм. 2400 оршин суугчтай энэ тосгонд хэт их жуулчин ирдэг тул Италийн Венец хотоос санаа авч, автомашинаар аялан ирж байгаа жуулчдаас татвар авдаг болж байгаа юм байна. Тодруулбал, энэ тосгон руу нэвтрэх хүсэлтэй жуулчин өдрийн 5-10 евро төлж байх юм байна.