Унгарын Зомбатли хотноо энэ сарын 4-6-ны өдрүүдэд Спортын гимнастикийн Дэлхийн цомын тэмцээн боллоо.

Шигшээ багийн дасгалжуулагч Д.Оюунтуяагийн удирдлага дор өрсөлдсөн баг тамирчдаас Үндэсний шигшээ багийн тамирчин, ОУХМ А.Энхтүвшин харайлтын төрөлд 14.083 оноогоор хүрэл медалийн эзэн боллоо.

Энэ төрөлд алтан медалийг Казакстаны Ассан Салимов 14.300 оноогоор, мөнгөн медалийг Болгарын тамирчин Даниел Трифонов 14.150 оноогоор тус тус хүртлээ гэж Монголын Үндэсний Олимпын Хорооноос мэдээллээ.