Бээжин хотноо болсон дэлхийн анхны хүн дүрст роботын хагас марафон гүйлтийн тэмцээнд тус улсын Хиймэл оюун ухаант роботын инновацын төвд бүтээсэн “Tiangong Ultra” робот ойролцоогоор 2 цаг 40 минутад барианд орсноор түрүүлжээ.

Дэлхийн хамгийн анхны хүн дүрст роботын хагас марафон Бээжингийн Ижуан дүүрэгт өнөө өглөө болжээ. Нийт 21.0975 км-ийн уралдаанд нийт 20 баг 18 төрлийн робот тамирчдаараа аваргын төлөө өрсөлдсөнөөс гадна роботуудыг гүйлтийн хурд, тэсвэр хатуужил, нэр хүнд, загвар дизайн зэрэгт нь үндэслэн төрөл бүрийн шагналуудад шилдгүүдийг тодруулжээ.