Тагнуулын байгууллагын 100 жилийн ойг угтан тус байгууллагын онцлох тэмдгийн загвар шалгаруулах нээлттэй уралдааныг зарлаж байна. Энэхүү нээлттэй уралдаанд сонирхсон хэн бүхэн оролцох боломжтой.

Загвар буюу бүтээлийг энэ оны 4 дүгээр сарын 20-ноос 5 дугаар сарын 01-ний хооронд temdeg@gia.gov.mn цахим хуудас болон 92263660 дугаарын утсаар холбогдож хүлээн авна.

Ирүүлэх загвар буюу бүтээл нь дараах шаардлага, шалгуурыг хангасан байна. Үүнд:

- Тагнуулын байгууллагын үүрэг зорилго, үйл ажиллагааны онцлогийг илэрхийлсэн

- Дүрсний нягтрал 600 dpi-гаас доошгүй, өнгөний нарийвчлалыг кодоор гаргасан

- Загварын хэмжээ, харьцааг гаргасан, агуулгын тайлбарыг дэлгэрэнгүй бичсэн

- Загварыг А4 форматаар хэвлэмэл хэлбэрээр болон JPEG, PNG, PDF суурьтай бэлтгэн ирүүлэх зэрэг болно.

Уралдаанд ирүүлсэн бүтээлийг ТЕГ-ын даргын тушаалаар байгуулагдсан Комисс шалгаруулах бөгөөд зөвхөн нэг бүтээл /загварыг/ шалгаруулж, хоёр сая таван зуун мянган төгрөгөөр урамшуулна.

Сонирхсон хэн бүхнийг идэвхтэй оролцохыг урьж байна. Дэлгэрэнгүй мэдээллийг 92263660 дугаарын утсаар холбогдож авна уу.