ОХУ-ын Либерал Ардчилсан Намын тэргүүн Владимир Жириновский Төрийн Думд үг хэлэхдээ халдварын аюултай Азийн орнуудад аялах, гэртээ амьтан тэжээхийг хориглох санал гаргалаа.

Тэрбээр “Үр хүүхэд, хөршүүдийнхээ амь насыг эрсдэлд бүү оруул. Амьтан бол халдвар тараагч юм” гэж хэлээд  “Манай улсад халдвар гарах нь тодорхой болоод байна. Монголд тарваган тахал гарлаа. Манай нэг депутат зүгээр гэж байна. Үгүй шүү. Анх коронавирусний талаар ч бүгд ингэж хэлж байсан. Эмч нар сарьсан багваахай вирус тээгч гэдгийг тогтоосон. Дараа нь сарьсан багваахайгаас амьтдад халддаг. Энэ бүх халдвар Азид болж байна. Хэт олон хүн амтайгаас тэнд хорхой шавж гээд хөдөлж байгаа бүх юмыг иддэг. Тэгэхээр халдварын голомт Азид ажлын томилолтоор ч явахыг хориглох ёстой” гэж хэлсэн юм.