УИХ-ын 13 эмэгтэй гишүүн нам харгалзахгүй нэгдэн УИХ-ын даргатай зөвшилцөж УИХ дахь эмэгтэй гишүүдийн бүлэг байгуулсан тухай өнөөдөр тус бүлгээс мэдээлэв. 

Тус бүлэг нийгэмд тулшамдсан ядуурал, архидалт, хүчирхийлэл, хүүхэд эмэгтэйчүүдийн эрх, тэднийг хамгаалах зэрэг арван чиглэлээр ажиллахаар зорилтоо тодорхойлсон бөгөөд УИХ-ын гишүүн Д.Сарангэрэл ахлах юм. Тэрбээр, 2020 оны төсвийн тодотгол хэлэлцэж байгаа энэ үед хүүхэд харах үйлчилгээнд 2.5 тэрбум төгрөг тусгахаар идэвхийлэн ажиллахаа онцлов.