ШӨХТГ-ын удирдлагууд, Улаанбаатар хотын ерөнхий менежер, Нийслэлийн Захирагчийн ажлын албаны дарга Т.Гантөмөр нар мах, махан бүтээгдэхүүн үйлдвэрлэгчидтэй уулзлаа. Уулзалтаар коронавирусний цар тахалтай байгаа энэ цаг үед өргөн хэрэглээний бараа бүтээгдэхүүний нэг төрөл болох мах, махан бүтээгдэхүүний үнэ нэмэгдэх үндэслэл байхгүйг урьдчилан санууллаа.

Мөн Улаанбаатар хотын ерөнхий менежер, Нийслэлийн Захирагчийн ажлын албаны дарга Т.Гантөмөр нөөцийн мах бэлтгэх ажлын хэсэг наймдугаар сарын нэгний өдрөөс эхлэн ажилдаа орсон талаар мэдээлэл өглөө. Энэ жил 20 мянган тонн мах нөөцлөх төлөвлөгөөтэй байгаа юм байна. 

Эх сурвалж: ШӨХТГ