Дэлхий дахинд 24 цагийн хугацаанд 585 мянга гаруй хүн коронавирусний халдвараар өвчилж, нийт тохиолдлын тоо 74.1 сая болжээ. ДЭМБ-ын мэдээлснээр нас баралт 1.6 сая даваад байна.

АНУ, Бразилд хоногт илэрсэн халдварын тоо анхаарал татжээ. АНУ-д 24 цагийн хугацаанд 202 мянган тохиолдол батлагдсан бол Бразилд 70574 хүн өвчилсөн байна. Тус улсад нийт өвчлөл долоон саяыг давсан бол АНУ-д 17 сая болжээ.

ДЭМБ-аас өмнө нь коронавирусний халдвар ахуйн хавьтлын замаар дамжиж байгааг таслан зогсоож, хүн бүр бээлий өмсөж, хүний гар хүрдэг бүх зүйлийг халдваргүйжүүлж байхыг уриалсан юм. Мөн амны хаалт зүүх нь халдвараас 90-ээс дээш хувиар хамгаалах учир хүн бүр амны хаалтыг дотоод, гадаад орчинд хоёуланд нь зүүх зайлшгүй шаардлагатай гэлээ.