Японд их хэмжээний цас орсны улмаас төв хэсгийн Фүкүи мужид  мянга гаруй автомашины түгжрэл үүссэн тухай эрх баригчид мэдэгдсэн байна. Үүнтэй холбогдуулан Фүкүи мужийн захиргаа түгжрэлийг арилгахад туслах цэргийн отрядыг илгээхийг Японы Өөрийгөө батлан хамгаалах хүчинд уриалжээ.

Япон тэнгисийн эрэг, Хоккайдо аралд өнгөрсөн долоо хоногоос их хэмжээний цас үргэлжлэн орсоор байна. Цаг агаарын таагүй нөхцөл байдлын улмаас орон нутгийн агаарын тээврийн компаниуд 500 гаруй нислэгээ цуцалжээ.