Дээрхийн Гэгээнтэн Далай лам Энэтхэгийн Дхарамсал хотын Zonal Hospital эмнэлэгт коронавирусний эсрэг вакцин хийлгэлээ. Энэ жил 85 настай гэгээнтэн AstraZeneca/ Oxford-ийн бүтээсэн Covishield вакцинд хамрагдсан юм. Энэ вакциныг Энэтхэгийн Serum Institute-д үйлдвэрлэж байна.

Вакцин тариулсныхаа дараа Далай лам “Найз нөхдийнхөө зөвлөсний дагуу вакцин хийлгэлээ. Энэ вакцин маш найдвартай, үр дүнтэй шүү. Бүгд вакциндаа хамрагдаарай” гэж уриалсан байна.

Одоогийн байдлаар Израилын Ерөнхий сайд Биньямин Нетаньяху, АНУ-ын Ерөнхийлөгч Жо  Байден, Саудын Арабын Хун тайж Мохамед бен Салман, Ромын Хамба лам Франциск, Туркийн Ерөнхийлөгч Реджеп Тайип Эрдоан, Украины Ерөнхийлөгч Владимир Зеленский, Монголын Ерөнхий сайд Л.Оюун-Эрдэнэ нарын төрийн тэргүүд вакцинд хамрагдаад байна.