Оршин суугчдад коронавирусний вакцин хийснийхээ дараа амралт олгох хөтөлбөрийг боловсруулах асуудлыг судалж үзэхийг БНСУ-ын Ерөнхий сайд Чон Се Гюн эрүүл мэндийн байгууллагуудад үүрэг болгожээ. 

Вакцин хийлгэсний дараа гаж нөлөө илэрч болзошгүйн улмаас иргэд амралт авах шаардлагатай гэж тэрбээр үзэж байна.

“Иргэдийг вакцинжуулалтын хөтөлбөрт идэвхтэй оролцохыг нь дэмжихийн тулд вакцины дараах амралтын өдрүүдийг зохион байгуулах шаардлагатай. Вакцинжуулалтын аянд иргэд айдас, эргэлзээгүйгээр оролцсоноор хүн амыг төлөвлөгөөний дагуу хурдан дархлаажуулах боломжтой юм" хэмээн тэрбээр хэлсэн байна.

БНСУ-д хоёрдугаар сард иргэдийг вакцинжуулж эхэлжээ. Энэ оны хоёрдугаар хагас гэхэд эрх баригчид 12 сая хүнийг вакцинжуулна гэж тооцоолж байна. Тус улсад дөрөвдүгээр сараас хойш 75-аас дээш насныхан, дунд сургуулийн эмч нар, шоронгийн ажилтнууд, хөгжлийн бэрхшээлтэй иргэд болон асрамжийн газрын хүмүүсийг вакцинжуулахаар төлөвлөжээ.