Хойд Солонгост Ардын армийн 90 жилийн ойгоо өргөн дэлгэр тэмдэглэж байна. Том хүлээн авалт, цэргийн сүрт жагсаал гээд ёслолын арга хэмжээ их боллоо.

Ёслолын нэгэн арга хэмжээн дээр БНАСАУ-ын Залуу удирдагч Ким Жон Ун гарч ирэхдээ генералиссимус погонтой байсан байна. Саяхан болтол түүнийг маршал Ким Жон Ун гэж байсан бол армийнхаа тэгш ойгоор цэргийн хамгийн дээд цолыг хүртсэн нь тодорхой болжээ.

Хойд Солонгост өмнө нь Ким Жон Уны өвөө Ким Ир Сен, аав Ким Чен Ир нар л энэ хүндтэй цолыг эзэмшиж байв.