БНСУ-д үйлдвэрийн робот ажилтныг хайрцаг хэмээн андуурсны улмаас хүний амь үрэгдсэн хэрэг гарчээ.

Тодруулбал үйлдвэрийн ажилтан болох 40 настай эр тус роботын мэдрэгчийг шалгаж байх үед ажилтныг хайрцаг хэмээн андуурч, туузан дамжуурга руу гарган ажилтны нүүр болон цээжинд хүнд гэмтэл учруулсан байна.
Ажилтныг даруй эмнэлэгт хүргэсэн ч тун удалгүй амьсгал хураасан гэв. 

Тус үйлдвэрийн робот нь хүнсний ногоо бүхий хайрцгуудыг өргөж, тавиурууд дээр тавих зориулалттай гэнэ.
Роботыг хараахан үйлдвэрийн ажиллагаанд нэвтрүүлээгүй буюу туршилтын зориулалтаар ашиглаж байжээ. Осол гарах үед ажилтан роботын мэдрэгчийг шалгаж байсан аж.
Энэ оны гуравдугаар сард мөн БНСУ-д роботын эндүүрлийн улмаас үйлдвэрийн ажилтан хүнд гэмтэл авсан.

Эх сурвалж: The Korea Times