БНАСАУ даваа гарагийн өглөө /2023.12.18/ буюу орон нутгийн цагаар 08.24 цагт холын зайн тусгалтай тив алгасах баллистик пуужин харважээ.

Японы Батлан хамгаалах яамны мэдээлснээр, пуужинг өндөр хэмээр дээш хөөргөсөн траектороор харвасан ба хэрэв шулуун траектороор харвасан бол 15 мянган км зайг туулах байжээ. Өөрөөр хэлбэл баллистик пуужин АНУ-ын нутаг дэвсгэрийн аль ч цэгт хүрэх боломжтой аж. Үүнтэй холбогдуулан Япон улс Үндэсний аюулгүй байдлын зөвлөлийн хуралдаанаа зарласан байна.