БНСУ-ын дотоодын нийт бүтээгдэхүүн энэ оны эхний улиралд өнгөрсөн оны дөрөвдүгээр улиралтай харьцуулахад 1.3 хувиар буурчээ. Солонгосын Төв Банкны мэдээлснээр, энэ нь шинжээчдийн таамаглаж байснаас 0.1  хувиар бага үзүүлэлт болжээ. 

Коронавирусний цар тахлын эдийн засгийн үр дагавраас үүдэлтэй энэхүү бууралт нь 2008 оны 3 дугаар улирлаас хойших хамгийн том уналт болжээ. Тэр үед БНСУ-ын дотоодын нийт бүтээгдэхүүнийг өмнөх улиралтай нь харьцуулахад 3.3 хувиар буурч байсан аж.

Төв банкны мэдээлснээр, энэ оны эхний улиралд БНСУ-д эдийн засгийн бараг бүхий л салбар огцом уналтад орсон байна. Өмнөх улиралтай харьцуулахад экспортын хэмжээ тус улсад 3.1 хувиар буурсан бол импортын хэмжээ 3.8 хувиар саарчээ. Харин аж үйлдвэрлэлийн хэмжээ 2.9 хувиар, үйлдвэрлэл үйлчилгээний хэмжээ 6.2 хувиар буурсан байна. Түүнчлэн хувийн хэрэглээ 13.8 хувиар буурсан нь 1998 оны 1 дүгээр улирлаас хойших хамгийн ихээр буурсан үзүүлэлт болжээ.