УИХ-ын гишүүн Д.Эрдэнэбат нарын долоон хүнд холбогдох хэргийн шүүх хурал ирэх сарын 1-ны 10.00 цаг хүртэл хойшиллоо.

Тэднийг “Эрдэнэт” үйлдвэрийн 49 хувийн хувьцааг худалдан авах Засгийн газрын эрхээс татгалзаж, “Монголын зэс” компанид олгох ажлыг зохион байгуулахад оролцсон хэмээн шүүж буй юм. Хэргийн шүүх хурал өнөөдөр 10.00 цагт эхэлсэн ч зарим гэрч болон шинжээч нар ирээгүй тул улсын яллагч, өмгөөлөгч нар хойшлуулах хүсэлт гаргажээ. Мөн шүүгдэгч Д.Ганбатын өмгөөлөгч хавтаст хэргийн материалтай танилцах боломжоор хангах хүсэлт гаргасныг шүүх хүлээн авсан байна. Мөн хуралдаанаас шүүгдэгч Д.Эрдэнэбатад энэ өдрөөс эхлэн Монгол Улсын хилээр гарах, хэргийн оролцогч болон бусад оролцогч нартай уулзахыг хориглох шийдвэр гаргажээ.