Коронавирусний эсрэг вакцины туршилт, судалгааны талаар мэдээлэл хүргэе.

Дэлхийн хэмжээнд судлагдаж байгаа вакцинуудаас 17 нь хүний биед турших эмнэлзүйн шатандаа байгаа талаар ДЭМБ-аас мэдээлжээ. Эдгээрээс хамгийн үр дүнтэй нь Хятадын “Коронавак” нэртэй вакцин аж. Тус вакцины эмнэлзүйн шатны гурав дахь туршилтыг эхлүүлэхээр болсон байна.

Түүнчлэн Оксфордын их сургуулийн вакцин нь хүний бие дээр турших нөхцөлийг хангажээ.

Мөн Их Британид 8000 хүнийг вакцины судалгаанд хамруулах юм байна. Бразил улсад хэдэн зуун хүнийг вакцины судалгаанд хамруулсан бөгөөд цаашид энэ тоо 3000-д хүрэх аж. Халдварын тархалт өндөр байгаа улс орнуудад түшиглэж вакцины судалгааг хийх гэнэ.

ДЭМБ-ын ерөнхий захирал энэхүү цар тахал нь шинжлэх ухааны болон зан чанарын сорилт бөгөөд хүн төрөлхтөнд зайлшгүй тулгарсан тул эв нэгдэлтэй байж, асуудалд шинжлэх ухаанчаар хандах хэрэгтэй байгааг илэрхийлжээ. Улс орнууд харилцан туршлага судалж, шинжилгээ хийж, ариун цэвэр сахих арга хэмжээнүүдийг цогцоор нь авч хэрэгжүүлж байж амжилтад хүрнэ гэдгийг ДЭМБ-аас мэдэгдсээр байна.