Солонгос улсад коронавирусийн халдвар авсан хүний тоо өнөөдөр /2020.03.03/ өглөөний байдлаар 4812-д хүрч, халдварын улмаас нас барсан өвчтөний тоо нийт 28 хүрээд байна.

БНСУ-ын эрх баригчид коронавирусийн халдвар хурдацтай тархаж байгаатай холбогдуулан халдварт өвчний аюулын хамгийн өндөр түгшүүр зарласан. Түүнчлэн цэцэрлэг, сургуулийн хичээлийг гуравдугаар сарын 23-нд болгож хойшлуулж, хэсэгчилсэн хөл хориог тогтоогоод байгаа билээ.

Тэгвэл өчигдөр Сөүл хотын цагдаагийн ерөнхий газраас мэдэгдэл хийсэн байна. Өнгөрөгч 2-р сарын 23-ны өдрөөс эхлэн онц байдал зарласнаар гэмт хэргийн дуудлага  5.2%-аар багасжээ. Өдөрт дунджаар 9676 дуудлага авч байгаа бол өнгөрсөн онд өдөрт 10,209 дуудлага авч байсан байна.