Японы Нагоя хотын “Долфинс” ордонд болж буй мэргэжлийн сумо бөхийн Нагоя башёгийн 5 дахь өдөр 69 дэх Их аварга /Ёкозүна/ Хакүхо М.Даваажаргал, Ичиножёо /М-2/ А.Ичинноровтой барилдаж, түүнийг ёрикири мэхээр унагаж, 5 даваатай болов. 

Маргааш Их аварга Хокүтофүжи /М-3/-тэй учраа таарсан байна. Энэ башёд түрүүлбэл Ёкозүна цол хүртэх болзолтой Озэки Тэрүнофүжи Г.Ган-Эрдэнэ өнөөдөр Хокүтофүжи /М-3/-тэй учраа таарч, түүнийг котэнаге мэхээр давж 5 дахь даваагаа авлаа. 

Энэ өдөр Хошёорюү /М-5/ С.Бямбасүрэн, Мёогирюү /М-7/-тэй таарч, түүнийг ёрикири мэхээр унагаж  4 даваа, 1 унаатай башёг үргэлжлүүлж явна.

Кирибаяама /М-6/ Б.Лхагвасүрэн, Окиноүми/М-5/-тэй учраа тааран барилдаж түүнийг исамиаши мэхээр хаяж 4 даваа, 1 унаатай яваа бол, энэ өдөр Чёошома /М-7/ Г.Мөнхсайхан, Хидэноүми /М-9/-тэй таарч, түүнд цүкиотоши мэхээ ойчиж 3 унаа, 2 унаатай болов.

Энэ өдөр Тамаваши /М-10/ Б.Мөнх-Оргил, Аойяама /М-8/-тай хүч үзэн барилдаж, түүнд ошидаши мэхээр унаснаар 4 даваа, 1 унаатай болов.

Озэки цолтнуудаас Шодай, Тобизарюү/М-3/-тэй барилдаж, түүнд ошидаши мэхээр ойчиж  3 унаа, 2 даваатай болсноор түрүү булаалдах бөхчүүдийн жагсаалтаас ухарлаа.