Гадаадын иргэний бизнес ангиллын виз олгох асуудлыг энэ сарын 16-наас Гадаадын иргэн харъяатын газар хариуцаж байна.

Тодруулбал, Монгол Улсын Засгийн газраас “Монгол Улсын виз олгох журам”-ыг шинэчлэн баталж, энэ сарын 16-наас мөрдөж эхэлсэн. Уг журамд ГХЯ-ны олгож байсан бизнес ангиллын визийг Гадаадын иргэн, харьяатын газар (ГИХГ) олгохоор болжээ. Тиймээс гадаадын иргэнийг бизнес, ажил хэргийн зорилгоор Монгол Улсад урих тохиолдолд ГИХГ-ын https://eimmigration.mn цахим хуудсанд хандаж, хүсэлтээ гаргах аж.