Өвчинд хяналт тавих, урьдчилан сэргийлэх төвийн мэдээлснээр, улсын хэмжээнд сүүлийн 24 цагийн хугацаанд халдварын 2086 тохиолдол шинээр илэрснээс 2058 нь дотоодод халдварлажээ. Ингэснээр халдварын нийт тохиолдлын тоо 318 105-д хүрсэн байна.

Өнгрөгч баасан гарагт 2248, пүрэв гарагт 2468 хүнээс халдвар илэрсэнтэй харьцуулахад буурсан.

Ийнхүү өдөрт шинээр бүртгэгдсэн халдварын тохиолдлын тоо есдүгээр сарын 26-наас хойш 2000 даваад байна.

Мөн бямба гарагт 1755 хүн бүрэн эдгэрснээр нийт эдгэрсэн хүний тоо 278 847-д хүрсэн бол халдварын улмаас гурван хүн нас барснаар ийм тохиолдлын нийт тоо 2507 болжээ.

Цар тахлын дөрөв дэх давлагаа дэгдээд буй БНСУ-д өдөрт илэрсэн халдварын тохиолдлын тоо сүүлийн гурван сар орчмын турш 1000 даваад байсан ч өнгөрсөн сард болсон Ургацын баярын дараа халдварын үзүүлэлтүүд дахин эрс нэмэгдээд байна.

Мөн 10 дугаар сарын 3-нд улс байгуулагдсан өдөр, 10 дугаар сарын 9-нд Хангыль үсгийн баяр тохиож, тус тус гурван хоног дараалан амрах тул халдварын тохиолдлын тоо дахин нэмэгдэж болзошгүйд эрүүл мэндийн байгууллагын мэргэжилтнүүд ихээхэн санаа зовниж байна гэв.

БНСУ-ын эрх баригчид үүнтэй холбоотойгоор хүн хоорондын зай барих хатуу журмын хэрэгжих хугацааг хоёр долоо хоногоор сунгах шийдвэрийг баасан гарагт гаргасан.