БНСУ-ын Ардчилсан намын дарга Ли Жэ Мен Бусан хотод иргэдтэй уулзах үеэр 60 орчим насны эрэгтэй түүний биед халдаж, хүзүүний зүүн хэсэгт хутгалсан хэрэг гарлаа. 

Тэрээр 2022 оны БНСУ-ын Ерөнхийлөгчийн сонгуульд өрсөлдөж байсан юм. Тус улсын одоогийн Ерөнхийлөгч Юн Сук Ёлтой өрсөлдөж 47.8 хувийн санал авч, ердөө 0.7 хувиар ялагдаж байсан Ардчилсан намын дарга 59 настай Ли Жэ Мений биед гэмт этгээд халдаад байна. Түүний биеийн байдал тааруу, ухаангүй эмнэлэгт хүргэгджээ.