Томуу, томуу төст өвчний үеэр хүүхдийг зөв асарч хамгаалах нь өвчнөөс сэргийлэх, мөн өвчлөлийг хүндрүүлэхгүй байх хамгийн чухал хүчин зүйлсийн нэг юм. Мэргэжлийн эмч нарын зөвлөснөөр хүүхдийн биеийн дулааныг хадгалах, хангалттай шингэн уулгах, тохирсон хооллолтыг анхаарах нь биеийн эсэргүүцлийг дэмжихэд хамгийн үр дүнтэй арга.

Хүүхдийн хэвийн биеийн халуун 36–38 хэмийн хооронд байдаг бөгөөд хүүхэд даарах үед заавал өвдөж байна гэсэн үг биш юм. Гэвч даарч хөрөх нь биеийн эсэргүүцлийг сулруулж, улмаар ханиад, томуу авах эрсдэлийг нэмэгдүүлдэг тул хүүхдийг цаг агаарын нөхцөлд тохируулан дулаан хувцаслах шаардлагатай.

Мөн томуу, томуу төст өвчний үед хүүхдэд шингэнийг энгийн үеийнхээс хоёр дахин их уулгах хэрэгтэй. Вирусийн хорыг биеэс гадагшлуулахад шингэн зүйл уух нь хамгийн үр дүнтэй арга байдаг. Уух шингэнийг усан суурьтай, маш шингэн бүтэцтэй байхаар сонгох нь зүйтэй. Харин газтай ундаа, өтгөрүүлсэн жүүс зэрэг нь шингэн алдахад хүргэдэг тул огт өгөхгүй байхыг анхааруулж байна.

Эцэг эх, асран хамгаалагчид хүүхдийнхээ биеийн дулаан, хоол хүнс, шингэн хэрэглээг тогтмол хянаж, ханиад томууны улиралд илүү анхааралтай байх нь чухал юм.