Цар тахлын үед явагдсан БНСУ-ын 21 дэх удаагийн Парламентын сонгуульд одоогийн эрх баригч Ардчилсан нам үнэмлэхүй ялалт байгууллаа.

Сүүлийн 28 жилийн хамгийн өндөр ирцтэй энэ удаагийн сонгуульд БНАСАУ-аас дүрвэж очсон хүн анх удаа Парламентын гишүүн болж чадсан юм. БНАСАУ-ын Лондон хот дахь Элчин сайдын яаманд дэд сайдын алба хашиж байсан Тэ Ён Хо 2016 онд гэр бүлийн хамт БНСУ-д дүрвэсэн ажээ. Улмаар энэ удаагийн сонгуульд сөрөг хүчний гол намаас нэр дэвшин Сөүл хотын хамгийн чинээлэг дүүрэг болох Ганнамын тойрогт олонхын саналаар ялалт байгуулжээ.