Өнөө өглөө хөөрсөн Улаанбаатар-Сөүл-Улаанбаатар чиглэлийн тусгай нислэгээр 224 зорчигч Сөүлийг зорьж,  7 улсаас Сөүлээр дамжин ирж буй 273 иргэн эх орондоо ирнэ. Онгоц 17 цагт Улаанбаатарт газардах төлөвтэй байна.

Нислэгийн бүрэлдэхүүнд багтсан Буянт-Ухаа боомт дахь Хилийн мэргэжлийн хяналтын албаны Эрүүл ахуй, халдвар хамгааллын хяналтын улсын 2 байцаагч зорчигчдод эрүүл мэндийн тандалдт хийнэ.

УОК-ын шийдвэрээр өнөөдөр Сөүл-Улаанбаатар тусгай үүргийн нислэгээр бусад улсаас Сөүлээр дамжиж байгаа иргэдийг татан авах бол маргааш буюу 5 сарын 1-нд Сөүл-Улаанбаатар чиглэлийн давтан нислэгээр БНСУ-д байгаа 271 иргэнээ авна. 

Харин 5 дугаар сарын 2-нд Франкфурт-Улаанбаатар чиглэлийн тусгай нислэгээр 13 улсаас 263 иргэн ирнэ. Ийнхүү гурван удаагийн тусгай нислэгээр 807 иргэн эх орондоо ирэх юм.