Цагдаагийн ажилтан Дерек Човин өнгөт арьстан Жорж Флойдын аминд хүрсэн хэрэг явдлын улмаас АНУ-д олон нийтийг хамарсан үймээн үргэлжилсээр байна.

Өнөөдрийн байдлаар АНУ-ын 14 мужийн засаг захиргаа үймээн самууныг газар авахуулахгүй байхад анхаарч буйгаа мэдэгдээд байна. Өчигдөр гэхэд Нью-Йорк хотод жагсагчид тэмцлээ илэрхийлэх үеэр олон тооны хүн бэртэж, 70 хүн баривчлагджээ. АНУ-ын хот мужуудын удирдагчид иргэдээс тайван замаар тэмцэхийг уриалж буй ч нөхцөл байдал намжихгүй байгаа аж. Тус улсын Хууль зүйн яам Жорж Флойдын амиа алдсан хэрэг явдлыг хуулийн хүрээнд мөрдөн шалгах ёстой гэдгээ мэдэгджээ.