МОСКВА. /TASS/. ОХУ-д коронавирусээр халдварласан 3 тохиолдол шинээр бүртгэгджээ. Эдгээр халдварын тохиолдлууд Калининград, Москва, Белгород мужуудаас илэрчээ.

Халдвар авсан хүмүүс бүгд сүүлийн хоёр долоо хоногийн хугацаанд Италийг зорьсон байжээ. Энэ тухай Коронавирусний тархалтаас урьдчилан сэргийлэх шуурхай штаб мэдэгдсэн байна.

Халдвар авсан хүмүүстэй ойр хавьталтай байсан хүмүүсийг олж тогтоосон бөгөөд тэднийг эмчийн хяналтад байлгах аж.

Одоогоор ОХУ-д коронавирусээр халдварласан нийт 17 тохиолдол бүртгэгдээд байгаагаас 14 нь Италиас эх орондоо эргэн ирсэн ОХУ-ын иргэд байсан бол 2 нь БНХАУ, 1 нь Италийн иргэн аж.