Токио-Улаанбаатар чиглэлийн тусгай үүргийн онгоцоор өчигдөр /2020.04.03/ нийт 266 хүн ирсэн. Тухайн иргэдийг Улсын онцгой комиссын шийдвэрийн дагуу ХӨСҮТ, Цэргийн төв эмнэлэг, “Тоёоко Инн", “Корпорэйт"; зочид буудал болон ОБЕГ-ын дэргэдэх “Онцгой Жаргалант” сувилалд 21 хоногийн хугацаатай тусгаарлаад байна. 

Сонирхуулахад, өчигдрийн нислэгээр Ерөнхийлөгч асан Ц.Элбэгдорж, их аварга Асашёорюү Д.Дагвадорж нар ирсэн гэх бөгөөд Асашёорюү аварга ХӨСҮТ-д тусгааралгджээ.

Энэ талаар Их аварга дараах зүйлийг өөрийн цахим хуудсаараа хуваалцлаа.

Би карантинаа барина! Харин нэг асуудал байна! ХӨСҮТ-ийг ч голсон зүйл бхгүй! Улаан бурхны үед аппарат болон агаар шүүгч тусламж өгч байсан!Би хэвтрээ голох тийм хүн биш! Асуудал юундаа байсан бэ гэвэл Японд байсан бид нарыг Токиогийн өнөөдрийн нислэгт бусад улсаас амжиж ирсэн 57 хүнтэй цугтаа баймааргүй байнаа гэж хэлсэн! Хүнд хэцүү үе дэлхий тэр чигээрээ хэцүү байгаа энэ үед ийм өндөр эрсдэл үүрүүлхийг гэр бүлдээ хүсэхгүй! Хэн ч хүсэхгүй ! Асуудал энэ! Бусдыгаа муухай харагдуулж магад үнэн бодит зүйл нь энэ ойлгоно биз!