БНСУ-д гарсан ойн түймрийн улмаас одоогийн байдлаар нас барсан иргэдийн тоо 26 болж нэмэгдээд байна. 

3-р сарын 26-ны өдөр түймэр унтраах ажилд оролцож байсан нисдэг тэрэг осолдож, 70 настай нисгэгч амь үрэгдсэнээс үүдэн нисдэг тэргээр ус цацах ажиллагааг түр зогсоосон байсныг дахин сэргээжээ.

Одоогоор гал түймрийг унтраахаар 900 гаруй цэргийн албан хаагч дайчлагдан ажиллаж байгаа бөгөөд АНУ-ын цэргийн баазын нисдэг тэрэгнүүд түймэр унтраах ажиллагаанд дэмжлэг үзүүлж байна.

Цаг уурын байгууллагын мэдээллээр, гуравдугаар сарын 27-ны өдөр нутгийн төв хэсгээр 20 мм хүртэлх, Ённам хавьд 5 мм хүртэлх бороо орох төлөвтэй байна. Үүний улмаас түймрийн эрч суларна гэж үзэж байгаа ч одоогоор гал бүрэн унтраагүй байна.

Ой, хээрийн түймэр бүрэн унтраагүй байгаа тул иргэд та бүхэн сонор сэрэмжтэй байж, гал гарч буй бүс нутгуудаар зорчихоос зайлсхийх, гал түймэртэй холбоотой мэдээ, мэдээллийг цаг алдалгүй авч байхыг анхааруулж байна.

Онцгой байдлын шуурхай утас
БНСУ-ын Засгийн газар ойн хээрийн түймэртэй тэмцэх төв штаб байгуулж, дараах утсаар иргэдэд мэдээлэл хүргэж байна:
📞 044-205-1700 ~ 1705

🔸Пусан дахь Монгол Улсын консулын газар гал түймрийн голомтын аюултай бүсэд оршин суугаа иргэддээ зориулан 24/7 ажиллах шуурхай утас ажиллуулж байна.
📞 010-7728-7447
Монгол Улсын Гадаад Харилцааны Яам