БНСУ-ын “Сургалтын төвүүдийн нэгдсэн эвлэл” Боловсролын яамныхаа шийдвэрийг эсэргүүцэв.

Шинэ төрлийн титэмт вирус “COVID-19” БНСУ-д тархаж эхэлсэн өнгөрөгч 2-р сарын сүүлчээс эхлэн тус улсад үйл ажиллагаа явуулж буй бүхий л хувийн хэвшлийн сургалтын төвүүд нь Боловсролын яам болон бусад төр засгийн байгууллагуудын уриалгыг даган үйл ажиллагаагаа зогсоогоод байгаа билээ.

Гэвч нөхцөл байдал удааширах хандлагатай болсон тул зарим нэг сургалтын төвүүд дахин ажиллаж эхлээд байсан тул тус улсын боловсорлын яамны зүгээс мэдэгдэл гаргасан юм. Тус мэдэгдэлд “Хэрэв тушаал шийдвэр зөрчин үйл ажиллагаа явуулж байгаад халдвар тархасан тохиолдолд тухайн зардлыг үйл ажиллагаа явуулсан сургалтын төвүүдээс нэхэмжилэх болно” хэмээн мэдэгдсэн билээ.

Тэгвэл үүнтэй холбогдуулан өнөөдөр буюу 03-р сарын 26ний өдөр БНСУ-ын “Сургалтын төвүүдийн нэгдсэн эвлэл” ТББ-с хэвлэлийн бага хурал хийж төр засгийн шийдвэрийг эсэргүүцэж байгаагаа илэрхийлэхийн зэрэгцээ үйл ажиллагаа зогссонтой холбоотой гарч буй алданги, зардал зэрэгт төр засгийн зүгээс дэмжлэг үзүүлэхийг шаардлаа. Жишээ нь сургалтын төвүүдийн үйл ажиллагаа зогссонтой холбоотой суралцагч хүүхэд залуус сургалтын төлбөрөө буцааж нэхэмжлэх хүсэлт ихээр гаргаж байгаа тул ядаж энэхүү зардлын 50%-ийг төрөөс гаргаж өгөхийг шаардлаа.

Орчуулсан : Д.Тодянм

Эх сурвалж : БНСУ-ын "Кён Хян Шинмүн" Өдөр тутмын сонин