УИХ-ын гишүүн О.Баасанхүү өнгөрсөн даваа /2020.04.20/ гарагт МАХН-аас гарч байгаагаа мэдэгдсэн билээ.

Харин өнөөдөр /2020.04.22/ Ардчилсан намд элсэж байгаагаа өөрийн цахим хуудсаар дамжуулж зарласан. Тэгвэл дөнгөж сая УИХ-ын гишүүн О.Баасанхүү Ардчилсан намын дарга С.Эрдэнээс үнэмлэхээ гардаж авснаар албан ёсоор тус намын гишүүн боллоо. 

Энэ үеэр АН-ын дарга, УИХ-ын гишүүн С.Эрдэнэ "Өнгөрсөн гурван жилийн хугацаанд АН шинэчлэлийн бодлогоо тууштай хэрэгжүүлж, 200 гаруй мянган гишүүнтэй хүчирхэг улс төрийн нам болсон байна. Энэ цаг үед намаас гарсан уриалга зэргийг дэмжиж, 1994 онд АН-ын гишүүн болсон О.Баасанхүү гишүүн намдаа эргэн элсэж байна" хэмээн ярилаа.