Өвөрхангай аймгийн Арвайхээр хотод нэг иргэнээс коронавирусийн сэжигтэй тохиолдол илэрч, ХӨСҮТ-д түүний шинжилгээний дээжийг ирүүлээд байна.

Коронавирусийн халдвар авсан байж болзошгүй нөхцөл байдал үүссэнтэй холбоотойгоор Өвөрхангай аймгийн Арвайхээр сум /аймгийн төв/-ын  нутаг дэвсгэрт үйл ажиллагаа явуулж байгаа төрөлжсөн зах, томоохон худалдаа, үйлчилгээний төвүүдийн үйл ажиллагааг өнөөдрөөс /2020.02.09/ түр зогсоохоор шийдвэрлэжээ. 

Арвайхээр сумын Засаг дарга О.Пүрэвдорж захирамж гаргаж, захирамжийг хэрэгжилтэд хяналт тавьж ажиллахыг аймгийн Цагдаагийн газар, Мэргэжлийн хяналтын газрын дарга нарт үүрэг болгосон байна.