Байгаль орчин аялал жуулчлалын яам, Германы сэргээн босголтын зээлийн банкны хамтран хэрэгжүүлж буй “Биологийн олон янз байдлыг хамгаалах, уур амьсгалын өөрчлөлтөд дасан зохицох” төслийн хүрээнд өнөөдөр БОАЖ-ын сайд Д.Сарангэрэл Улсын тусгай хамгаалалттай газар нутгуудын Хамгаалалтын захиргаадад шаардлагатай тээврийн хэрэгслүүдийг гардуулан өглөө.

Тодруулбал, УТХГ-ын Отгонтэнгэр, ХанХэнтий, Богдхан уул, Улаан Тайга, Дорнод Монгол, Зэд-Хантай Бүтээлийн нурууны ДЦГ-ууд, Горхи-Тэрэлж, Онон-Балж, Хангайн нурууны БЦГ зэрэг 9 хамгаалалтын захиргаанд моторт завь, 2-4 хүний суудалтай цасны мотоцикл, сольдог тэвштэй хогны машиныг хамгаалалтын дуулга, бээлий, шил, аврах хантааз зэрэг дагалдах хэрэгслийн хамт хүлээлгэсэн өгсөн юм.

ХБНГУ-ын Засгийн газартай хамтран хэрэгжүүлж байгаа энэхүү төсөл цаашид үргэлжилнэ. Мөн улсын төсвөөр туулах чадвар сайтай машин, мотоцикл нийлүүлэхээр боллоо.

Эх сурвалж: БОАЖЯ