БНАСАУ өнөө өглөө Япон тэнгисийн чиглэлд тив алгасагч бололтой баллистик пуужин, ойрын зайн тусгалт хоёр пуужин харвасан гэж БНСУ-ын цэргийнхэн мэдээлжээ.

Штабуудын дарга нарын хорооны мэдээлснээр, тив алгасагч байж магадгүй гэж үзэж буй баллистик пуужинг Пёньян хотын Суан бүсээс 7:40 цагийн орчимд, ойрын зайн тусгалт хоёр баллистик пуужинг Өмнөд Пёнган мужаас 8:39 цагийн орчимд харвасан байна.

Лхагва гарагт БНАСАУ 20 гаруй пуужин харваснаас нэг нь 1950-1953 оны Солонгосын дайнаас хойш анх удаагаа БНСУ-ын хилтэй залгаа далайн хилийн дээгүүр ниссэний дараа дээрх үйл явдал болжээ.

БНСУ, АНУ энэ долоо хоногт хамтарсан агаарын сургуулилалт хийж байгааг эсэргүүцэн БНАСАУ хүчээ үзүүлж байна гэж шинжээчид үзэж байна.