Гёнги аймагт автобусанд маск зүүгээгүй иргэн 20-н минутын турш үймээн дэгдээсэн хэрэг гарчээ.
Өнгөрсөн 23- ны өдөр Гёнги аймгийн Сүвон хотод 50 орчим насны маск зүүгээгүй эрэгтэй автобусанд орж ирсэн бөгөөд суудлаа эзэлж сууж байгаад гэнэт зорчигч эмэгтэй рүү дайрчээ.
Автобусны жолооч болон бусад хүмүүс маск зүүх, суудалдаа суух шаардлага тавьсан боловч эсэргүүцэл үзүүлж 18 минутын турш үймээн дэгдээсний эцэст цагдаа ирж зохицуулсан байна. Тэрээр эмэгтэй рүү дайрах болсон шалтгаанаа өөрийг нь удаан ширтсэнд дургүйцсэн гэж тайлбарлажээ.

Мөн өнгөрсөн 14-нд Сөүлийн автобусанд нэг зорчигч жолооч руу дайрсан, таксины жолооч үйлчлүүлэгчдээ маскаа зөв зүүх талаар хүсэлт хэлэхэд мөн жолоочийн биед халдсан хэрэг гарчээ.Энэ мэт өнгөрсөн таван сараас хойш масктай холбоотой 96 хүний хэргийг шийдсэн бол, 223 хэрэг шалгагдаж байгаа юм байна.